Э.М. Палкинниҥ ады-jолы, эткен ижи jон ортодо текши jарлу. Литературада ол бойыныҥ сӧзин айдып салган: ӱлерлерде, тууjыларда, куучындап айдар жанрда. Ол керегинде кӧп шиҥжӱчилер де ( С.С.Каташ, Г.В. Кондаков, Р.А.Палкина ла о.ӧ.), бичиичилер де бичиген. Бу тушта оныҥ чӱмдемелиниҥ, чокымдап айткажын, "Аланныҥ" жанры аайынча куучын ӧдӧр.
Сурактыҥ тӱӱкизин кӧргӧжин, элдеҥ озо эки повесть jарлалган: "Кулун киштейт" (1962) ле "Алан" (1966). Экинчизи баштапкызыныҥ улалганы болуп jат. 1967 jылда "Jазалбаган jол" деп "Алан" деген повестьтиҥ jарлалбаган калганчы бажалыгы "Jылдыста" (1967, N5, с. 94-112) кепке базылып jарлалган. Бу бажалык эпилог чылап кычырылат. Шиҥжӱчилер де, бичиичилер де оныҥ жанры повесть деп чике адагандар.
Темдектеп алза, 1971 jылда jарлалган Р.А.Палкинаныҥ статьязында "К изучению проблем развития алтайской прозы" "Аланды" толо шиҥдегени бар. Шиҥжӱчиниҥ темдектегениле, "обе повести очень лиричны. Лиризм достигается за счет постоянного присутствия самого автора, его рассуждений, раздумий, оценок, которые он высказывает через мысли или речь героев или в своих лирических отступлениях...". Ондо ок Р.Палкина повестьтердиҥ jедикпестерин темдектейт: "Крупным недостатком повестей является отсутствие композиционной стройности. Много лишних эпизодов, есть длинноты, сюжетные повторы. Слишком много героев, а это мешает целостному восприятию повестей".
С.Каташ ла В. Чичиновтыҥ "Путь молодой литературы" (1973, с. 16) деген бичигинде айдылат: "По своей манере повесть (имеется в виду "Алан" - Н.К.) написана в очень приподнятых, лирических тонах". Ӧрӧ адалган бичикти кӧчӱреечи Абрам Китайник орус тилге кӧчӱрип, "Сибирские огни" (1972, N6, с. 94-112) деп журналда оныҥ жанрын повесть деп чын темдектеген, jе таҥынаҥ бичик чыгар тушта, 1975 jылда, ол роман боло берген. Шылтагы jарт jок.
Ӧрӧги статьязында повесть деп кӧргӧн Р.А.Палкинаныҥ "Автордыҥ романдагы учуры" деген статьязында бу повесть роман деп адалган. Шиҥжӱчиниҥ бичигениле, "Э. Палкинниҥ "Алан" деп романыныҥ "Кулун киштейт" деп баштапкы бӧлӱгинде Коля деген бажалык уулчактыҥ эбире jӱрӱмге сӱӱнгенин, ого jӱткӱгенин кӧргӱскен, jе учы jаар jакшынак jурукка автор бойы кирижип, бойынаҥ сӧстӧр айтканы бажалыктыҥ художественный кемин jабызадып туру" (Алтын-Кӧл, 1974, с. 122).
Кайкамчылузы неде дезе, автор бойы бичигин роман деп адагалакта, шиҥжӱчи Р.Палкина оны роман деп кӧрӧт, темдектерди дезе повестьтеҥ алган деп бичийт.
Тӧрӧл тилле повесть болгон чӱмдемелдер орустап повесть ле роман деп адалат, шак бу булгактарды jартап, шҥжӱчи Г.В.Кондаков "Литературное обозрение" (1976, N8, с. 43-44) деп журналда бойыныҥ статьязын jарлаган. Оныҥ бичигениле, чӱмдемелдиҥ жанрыныҥ чике ады - "лирикалык повесть". Нениҥ учун дегежин, озо ло баштап, чӱмдемел кыскачак учуралдардаҥ турган. Оныҥ кажызында ла автордыҥ бойыныҥ ӱни сезилет. Г.В.Кондаковтыҥ jартаганыла: "Большой охват жизненного материала, множество действующих лиц - вот, видимо, основные условия, позволившие Э.Палкину определить жанр своей книги как роман. Но в то же время Э.Палкину недостает обстоятельности и глубины проникновения в жизнь, остроты при изображении жизненных противоречий, нечетко разработаны сюжетные линии произведения. Алан больше тяготеет к лирической повести 50-60 годов. Автор лирик, чем эпик." Чындап та, 60-чы jылдарда бир уунда башка-башка повестьтер jарлалган: Л. Кокышевтиҥ повестьтер ле куучындар (1962), Ч. Чунижековтыҥ "Мундузак" (1962), А.Адаровтыҥ "Амаду" (1964), Л.Кокышевтиҥ "Туулардыҥ уулы" (1966). Ол тоодо - Э.Палкиннниҥ повестьтери.
Бичиичиниҥ 50 jажыла колбой 1978 jылда "Алан" деп бичик алтай тилле jарлалган. Чокымдап айткажын, озо чыккан эки повестьти бириктирип, автор оны бир бичик эттире чыгарган. Байа "Кулун киштейт" ле "Алан" деген повестьтер эмди бир чӱмдемелдиҥ эки бӧлӱги деп адалат. Jе чӱмдемелдиҥ жанры роман деп темдектелген.
Шиҥжӱчи Р.Палкинаныҥ "Роман в литературах народов Южной Сибири" (1979, с. 78) деген бичигинде "Алан" роман деп кӧрӱлет. Оныҥ бичигениле, "Характер Алана Токтубаева - романный, он многогранен, изображен в движении и развитии". Текши повестьтер ле романдар керегинде сӧс айдып тура, оноҥ ӧскӧ бӱктерде "Аланды" скобкада адап, темдектерин озо чыккан повестьтерге тайанып кӧргӱзет (с. 104, 105, 121 ле о.ӧ.)
Ӧскӧ статьяда ("Движение к многомерности") Р.Палкина мынайда бичийт: "В 1978 году повести Э.Палкина "Жеребенок ржет" и "Алан", написанные и опубликованные с разрывом в несколько лет, представляющие собой цельное произведение (одни и те же темы, герои и т. д.) изданы единой книгой. В новом варианте сюжетное время, растянутое на десятилетие, сжато, сюжет стал более компактным, а характеры героев - более действенным и завершенным" (Сб. Алтайский фольклор и литература, 1982, с. 28).
Чокымдап айткажын, чӱмдемелдиҥ жанры чике адалбаган, jе автор бичигин jаҥырта jазаган деп айдылат. Эки повестьти ле текши бичикти тӱҥдештиргежин, бажалыктары ол ло бойы артат, бириктире чыгарганында билдирер-билдирбес тӱзедӱлер эдилген ле jаҥы бир бажалык кожулган: "Jаскы тушташтар".
Чӱмдемелдиҥ жанры аайынча эки башка шӱӱлтелер боло берерде, бу бичимелдиҥ авторы Э.М.Палкинге баштанып, ("Аланды" школдо ӱренип турган учун) jартамал сӧс бичип берзин деп сураган. Оныҥ каруузы 1983 jылда чыккан "Алтай литературада" (7 кл) jарлалган. Jе автор чӱмдемелдиҥ жанрын та нениҥ де учун чике адабаган, jӱк ле недеҥ улам оны чӱмдегени ле оныҥ прототиптери керегинде солун jетирӱ берген.
С. Каташтыҥ "Эркемен - человек ласковый" (1995) деп бичигинде айтканыла, в романе, "по признанию самого автора, он старался решить две задачи. Во-первых, сохранить композиционную связь между всеми главами-новеллами и добиться внутренней завершенности каждой главы. Во-вторых, сохранить сюжетную структуру романа в целом..." (с. 64) Ӧскӧ jерде ол темдектейт: "Эркемен Палкин тонкий лирик не только в алтайской поэзии, но и в прозе не изменяет своему поэтическому призванию" (с. 66)... "В характерах и поступках героя много авторского" (с. 69).
Ӧскӧртӧ айкажын, эки повестьти бир эттире бириктиргенинеҥ чӱмдемелдиҥ жанры кубулар аргазы jок. Ӱстине жанр чӱмдемелдиҥ кеминеҥ камаанду эмес (калыҥ, jука бичик болгонынаҥ). Кезикте калыҥ да чӱмдемел повесть болор аргалу. Э.Палкинниҥ чӱмдемелинде ончо керектер бир геройдыҥ кӧрӱми ажыра берилет. Чӱмдемелдиҥ башталганында - тӧс герой jуудаҥ jанганы. Ондо ӧткӧн ӧй дӧ jок, тереҥ эске алыныш та, тӱӱкилик эзем де jок. Оныҥ jӱргени - бӱгӱнги ӧй. Келер ӧйдӧ ол нени эдерин сананат, санааркайт. Экинчизинде, Аланныҥ кылык-jаҥында автордыҥ кӧрӱм-шӱӱлтелери салынган (с.Каташ), ӱчинчизинде, тӧс геройдыҥ сӱр-кеберин ачарга, автор аҥылу айалгалар тӧзӧп, солун учуралдар jурайт. Арткан геройлор деремнеде бирлик ӧмӧлик болгонын керелейт.
1983 jылда "Аланды" А.Китайниктеҥ башка экинчи кӧчӱреечи Ванцетти Чукреев орус тилге кӧчӱрип, чӱмдемелдиҥ жанры роман деп адаган. Оныҥ jедикпес-тутактарын И.Лившиц jетирет: "недостатком романа надо признать излишнюю хронологичность, повторяемость ситуаций, которые уже сыграли свою роль в развитии характеров и сюжета" (Лит. газета, 1984, 11 апрель). Автор бойыныҥ чӱмдемелин башка-башка жанрла адаар аргалу. Мында jаан jастыра jок. Jе шиҥжӱчилер ортодо куучын чӱмдемелдиҥ жанрын чике темдектеери болуп jат.
Бириктире кӧргӧжин, "Аланныҥ" жанры аайынча эки шиҥжӱчиниҥ шӱӱлтелери айдылтыр. Литератураныҥ теориязына тайанып, Г.В.Кондаков бажынаҥ ала оны повесть деп шиҥдеген, эки бӧлӱктӱ бичик те болуп чыкканда, оныҥ жанры ол ло бойы артар деп бӱдӱмjилеген.
Шиҥжӱчи Р.Палкина дезе повестьтердиҥ jедикпес-тутактарын темдектеп тура, чӱмдемелдиҥ жанры роман деп тӱзедӱ кийдирет. Олорды ээчиде чӱмдемелди баштап повесть деп кӧргӧн С.С.Каташ калганчы бичимелинде "Аланды" роман деп шиҥдейт. Jе айдылган шӱӱлтелеринде лирикалык повесть сезилет. Бу сурак эмдиге jетире ачыгынча артып jат.
Чӱмдемелдиҥ бичилген ӧйин аjаруга алып, Л.П.Якимова оны ылгаар тушта повесть деген жанрга аjару эдет: "... поскольку произведение анализируется в контексте того исторического десятилетия, когда происходило становление большой прозы Горного Алтая, то в данной статье предметом рассмотрения будет тот первоначальный текст, который составил содержание "Алана" именно как повести" (1995, с. 26).
Ӧскӧ jерде аҥылап кӧргӱзет: "Главное в повести - это его личность, его мироотношение, исследование его нравственной и духовной реакции на самые разные стороны современности - на производственные дела, национальные обычаи, взаимоотношения людей, события международной жизни. Главное в повести - это процесс его внутреннего самоопределения и самопознания". Чӱмдемелдиҥ жанры аайынча, булгак сурактар аайынча шиҥжӱчи бичийт: "Сравнение двух редакций "Алана" не входит в задачу данной статьи, - это скорее всего должно стать предметом самостоятельного исследования - определение жанровой сути своего произведения, оно несомненно, заключает в себе романные начала в обеих редакциях, ибо автора неотступно ведет мысль о человеке в пространстве, истории, общества, нации, идея соотнесенности судьбы человека с неостановимым движением жизни..."(33)
Чӱмдемелдиҥ жанры автордыҥ тургускан сурагынаҥ, геройдыҥ эткен керектеринеҥ ле сӱр-кеберди тереҥжиде кӧргӱскенинеҥ jарталат. "Аланда" тургузылган тӧс сурак - кижи ле эл-jон ортодо колбулар. Л.Якимованыҥ чын темдектегениле, чӱмдемелдиҥ тӧс геройы, Алан Токтубаев, бу jӱрӱмде бойыныҥ jерин ле учурын оҥдоп jат. Ончо керектер оны эбиреде ӧдӱп jат.
Айдарда, "Аланныҥ" жанры аайынча бу блааш-тартыш бичиичилер де, кӧчӱреечилер де ортодо болбогон, шиҥжӱчи улус тӱзедӱлер (повестьти роман деп адаганы) эдерде, кычыраачыларга бу jарт эмес сурак болуп артат. Б.Укачинниҥ сӧстӧриле, "мында блаажар-тартыжар неме jок. Тӧс керек - оныҥ жанрында эмес. Эҥ учурлузы ла ундылбазы - jаан jайалталу поэт ле прозачы Эркемен Матынович Палкинниҥ бойыныҥ ӧйинде бӱдӱрген, биске ле келер ӧйлӧрдиҥ кычыраачыларына артырып койгон jайалталу прозазы - эҥ артык ла эҥ мӧҥкӱлик кереес."
Литература